تاند 『سه شنبه د چنګاښ ـ سرطان ۱۰مه』د بلوچستان په مستونګ کې د پاکستاني ځواکونو پر یوې ځايي امنیتي پوستې وسله والو برید شوی دی.
د پاکستاني پولیسو د مرګ ژوبلې په اړه څه نه دي ویل شوی، خو راپورونه وايي، چې د یوه جسد په ګډون ۱۱ تنه ټپیان روغتون ته وړل شوي دي.
د سرچینو د معلوماتو له مخې دغه برید کې د پاکستاني پوځیانو د پوستې ټول اسناد او پوځي وسایط سوځول شوي.
تر اوسه د دغه برید مسوولیت کوم کس یا وسله والې ډلې نه دی منلی.
دا برید په داسې مهال کېږي- چې دوه ورځې وړاندې په شمالي وزیرستان کې یوه ځانمرګي برید کې ۱۳ پاکستاني پوځیان ووژل شول او ۱۰ نور ټپیان شول.
پاکستان په هغه برید کې د هند د لاس لرلو خبره کړې وه خو هند بیا د دوی خبره رد کړه.