تاند『شنبه د چنګاښ ـ سرطان ۷مه』چین کې د طالبانو سفارت خبر ورکړی، چې په بیجینګ کې د طالبانو سفیر بلال کریمي د ټرانس همالیا فورم پنځمه غونډه کې ګډون کړی دی.
سرچینې ویلي، چې په دې غونډه کې د طالبانو سفیر دغه فورم د سیمهییز اتصال، اقتصاد، اقلیم، انرژۍ او پانګونې لپاره ارزښتناک وباله او د عملي پایلو هیله یې څرګنده کړه.
بلال کریمي زیاته کړې، چې افغانستان د ثبات او اقتصادي ودې نوي پړاو ته داخله شوې او د ښه ګاونډ، پانګونې او سیمهییزو همکاریو هرکلی کوي.
کریمي د همالیا فورم غونډه کې له بهرنیو پانګوالو وغوښتل چې افغانستان ته راشي، وضعیت له نژدې وګوري او له فرصتونو ګټه واخلي او ډاډ یې ورکړ، چې د طالبانو حکومت د دوی خوندیتوب ته ژمن دی.
طالبان په هره مهمه ناسته کې بهرنیو پانګوالو ته د اسانتیاوو او ډاډمن امنیت ډاډ ورکړی دی.
د دوی د معلوماتو له مخې دمګړۍ په زیات شمېر بهرني شرکتونه او پانګوال افغانستان کې پانګونې ته لیواله شوي او ځینې عملا په پانګونه بوخت دي.
بلال کریمی خو په کوران ډیر غوړ شوی دی. د هغه د ابتدا عکس وګوری ته وایی چی له کومی بانډې څخه راغلی وی اوس ورته وګوری چی څومره غوړ شوی. هر شپونکی چی په څوکی کشینی حتمی به غوړیږی ـ