تاند『چهارشنبه د چنګاښ ـ سرطان ۴مه』د امریکا ولسمشر ډونالډ ټرمپ په خپلې ځانګړې الوتکې د” ایر فورس ون” په اړه د یوې پوښتنې په ځواب کې ویلي؛چې په ایران کې د رژیم بدلون نه غواړي.
ټرمپ په دې اړه ویلي: “زه غواړم، چې هر څه چټک ارام شي.”
هغه زیاته کړې چې د رژیم بدلون ګډوډي رامنځته کوي او په بېساري توګه مونږ نه غواړو، چې دومره ګډوډي وګورو.
ټرمپ وایي، چې ایرانیان ښه سوداګر دي او دوی ډېر تیل لري.
هغه څرګنده کړې؛ ایرانیان کولی شي په سوداګرۍ کې ښه وي؛ خو بیا یې ټینګار وکړ، چې دوی نشي کولی اټومي وسلې ولري.
ټرمپ داسې مهال دا څرګندونې کوي، چې تر دې وړاندې ویلي وو، چې که د ایران اوسنی حکومت د ایران عظمت ونه ګرځوي باید بدل شي.
ټرمپ تېره دوشنبه په خپل “ټروت سوشل” پاڼه کې لیکلي: “د “رژیم بدلون” اصطلاح کارول له سیاسي پلوه سم ندي؛ خو که اوسنی ایراني رژیم د ایران د عظمت راګرځولو وس ونلري، نو ولې باید رژیم بدل نشي؟”