تاند「یکشنبه د غبرګولي ـ جوزا ۲۵مه」هندي رسنۍ په دې هېواد کې د یوې بلې الوتکې د غورځېدو خبر ورکړی دی.

یادې رسنۍ زیاتوي، یوه الوتکه چې د پيلوټ په ګډون اووه تنه په کې سپاره وو، د هند په اوتراکند ایالت کې غورځېدلې او ټول مسافر یې وژل شوي دي.

د الوتکې د غورځېدو علت نه دی معلوم شوی. هندي چارواکو هم لا په دې اړه څه نه‌ دي ویلي.

تر دې وړاندې د هند په احمداباد کې یوه مسافر وړونکې الوتکه غورځېدلې وه.

په یاده پېښه کې تر ۲۷۰ تنه مړه او ژوبل شوي وو.

د احمداباد د الوتکې د غورځېدو پېښه کې له ۲۴۶ سپرلیو یوازې ۱ تن ژوندی پاتې دی.