تاند (یکشنبه، د غبرګولي/ جوزا ۱۸) تاند نن (یکشنبې) سهار د کابل ښار د پنځمې امنيتي حوزې (کمپنۍ) په مربوطاتو کې د شرکت په سيمه کې د زړو سامانونو په مارکېټ کې اور ولګېد.
عيني شاهدان وايي چې اور شاوخوا ۸:۳۰ بجې بل شو.
د دې خبر د خپرېدو تر شېبې اور لا هم بل دی او د اور وژنې ډلې د هغه د وژلو لپاره سيمې ته رسېدلي دي.
تر دې دمه د اور لګېدو د علت او د زيان د اندازې په اړه څه نه دي ویل شوي.
ویل شوي چې اپه دغه مارکیټ کې د دوهم لاس وسایل پلورل کېدل.
د افغانستان په سوداګري مرکزونو کې ډېر ځلې اورونه لګېږي او د دې لپاره چې پر عواملو یې غور نه کېږي له دې کبله دا ډول پېښې بیا بیا تکراریږي.
د اور لګېدو زیاتره پېښې د برېښنا د شارتۍ او د ګازو د دبو د چاودنې له کبله په مارکیټونو او دوکانونو کې کېږي
حللارې ټینګار
- مسوولان او د اور وژنې ادارې باید د انرژۍ سیستمونه په منئم ډول معاینه کړي، او دوکانداران دې اړ شي چې د اور وژنې وسایل وساتي.
- شاوخوا جوړښتونه او د بازار پلانونه باید د اور لګېدو د مخنیوي مقررات رعایت کړي.
- د اور لګېدو د خطر په اړه دې عامه پوهاوی زیات کړل شی.