تاند【پنجشنبه د حمل ـ وري ۱۴مه】چین له امریکا غوښتي، چې د دوی پر کحصولاتو وروستۍ لګولې تعرفې ژر لغوه کړي، که نه متقابل اقدام سره به مخ شي.
د چین سوداګرۍ وزارت په یوه خبرپاڼه کې په ټینګار سره ویلي، چې د امریکا دغه اقدام د هغو سوداګریزو خبرو اترو تعهد له پامه غورځولی، چې امریکا ترې کلونه ګټه ترلاسه کړې.
ډونالډ ټرمپ پرون د چهارشنبې په ورځ وویل، چې پر چین به ۳۴ سلنه نوې تعرفه ولګوي.
دا د سږ کال د پیل ۲۰ سلنه تعرفې سره په ټولیز ډول ۵۴ سلنه تعرفې ته رسېږيو چې د چین پر محصولاتو لګول کېږي.
د چین بهرنیو چارو وزارت یې په غبرګون کې ویلي، چې که امریکا د چین په محصولاتو لوړې تعرفې ولګوي، د مقابلې لپاره به حتی وسله والې جګړې ته هم داخل شي.
د رویټرز خبري اژانس د راپور له مخې د دواړو هېوادونو ولسمشران د «فشار او حیثیت» په منځ کې ایسار دی.
سرچینه زیاتوي، که ټرمپ او شي جین پینګ د تعرفو پر سر ژر مذاکراتو ته داخل شي، کمزوري ښکاري او که انتظار کوي، د سوداګریزې جګړې شدت زیاتېږي.
دا ناندرۍ داسې مهال زور اخلي چې ټرمپ تر دې وړاندې په خپلو نورو سوداګریزو شریکانو هم تعرفې وضع کړي دي.
تازه یې د افغانستان پر صادراتو هم ۱۰ سلنه تعرفه وضع کړه.