تاند【چهارشنبه د کب ـ حوت ۸مه】پاکستاني رسنیو ویلي، چې د دغه هېواد حکومت پلان لري څو د ناقانونه افغان کډوالو د اېستلو دویم پړاو پیل کړي.
سرچینو ویلي چې، په دغه پړاو کې شاوخوا ۸۰۰ زره کسان د بې ځایهکېدو له ګواښ سره مخ دي.
سرچینه د رسمي اسنادو پر بنسټ زیاتوي چې د پاکستان د کورنیو چارو وزارت افغان کډوالو ته د ۲۰۲۵ کال د مارچ تر ۳۱مې پورې وخت ورکړی، څو دغه هېواد پرېږدي.
د مالوماتو له مخې دمګړۍ، شاوخوا ۸۰۰ زره افغان کډوال په پاکستان کې د اې سي سي په نوم د استوګنې په لنډمهاله کارټونو ژوند کوي.
څو ورځې وړاندې پاکستان په یوه تازه خبرداري کې ویلي، چې په دغه هېواد کې مېشت هغه افغانان چې د امریکا لهخوا د بیا مېشتېدو لپاره نه دي منل شوي ناقانونه کډوال ګڼل کېږي او له دغه هېواده به واېستل شي.
د پاکستان د لومړي وزیر مرستیال او د بهرنیو چارو وزیر اسحاق ډار په یوه مرکه کې ویلي وو چې، پاکستان له امریکا سره د دې موضوع په اړه خبرو ته چمتو دی؛ خو هغه کډوال چې د بیا مېشتېدو غوښتنې یې رد شوې وي، له اېستلو سره به مخ شي.