تاند【سه شنبه د سلواغې ـ دلوې ۳۰مه】د بشري حقونو نهو مؤسسو په خپل تازه راپور کې ويلي، چې د ۲۰۲۴ کال په لړ کې د اروپايي ټولنې له پولو د کډوالو په جبري توګه د اېستلو له ستونزې پرده پورته کړې ده.
یادو موسسو په راپور کې ویلي چې، په یاده موده کې تر ۱۲۰ زره ډېرې د جبري ایستلو پېښې ثبت شوې دي.
په راپور کې دغه راز لیکل شوي چې ډېر ځله پناه غوښتونکي په وهلو – ټکولو شړل شوي دي.
سرچینه زیاتوي چې په یادو مواردو کې داسي پېښې هم ثبت شوي چې کډوالو په سمندر کې د سړې هوا له امله په ځنګلونو کې خپل ژوند بايللی دی.
په جبري ډول ایستل شویو کډوالو کې د بېلابېلو هېوادونو وګړي شامل دي.
د اروپايي ټولنې سرحدي ځواکونه له کډوالو سره دغه چلند په داسې مهال ترسره کوي، چې د يادې ټولنې او په نړيوالو قوانينو کې د پناه غوښتنې ټول حقوق تضمين شوي دي.