تاند 【چهار شنبه د سلواغې ـ دلوې ۱۰مه】‏د طالبانو تر واک لاندې د افغانستان بانک ویلي، چې نن چهارشنبه د داوطلبۍ له لارې ۲۷ میلیون امریکايي ډالر لیلاموي.

دغه بانک له سوداګریزو بانکونو، صرافیو او پولي خدمتونو له شرکتونو غوښتنه کړې، چې په دې داوطلبۍ کې ګډون وکړي.

سرچینه زیاتوي، چې د افغانیو ثبات هڅو په دوام یې د تېرې شنبې په ورځ هم ۲۵ میلیونه ډالر لیلام کړي وو.

سرچینه زیاتوي، چې د افغانیو ارزښت ساتل یې لومړیتوب دی او د ګټورو لارو چارو په وسیله توانېدلي چې د افغانیو ارزښت وساتي.

د افغانیو او ډالرو ترمنځ د نرخونو مسلې په دې وروستیو کې عام افغانان اندېښمن کړي دي.

دوی د افغانیو د ارزښت ساتلو ترڅنګ له طالبانو غواړي، چې د خوراکي توکو بیې هم کنټرول کړي.