دوشنبه, فبروري 17, 2025
Homeخبرونهد کندهار د اوسیدونکو لپاره دوه سخت انتخابونه

د کندهار د اوسیدونکو لپاره دوه سخت انتخابونه

تاند (شنبه، د مرغومي/ جدي ۲۹ مه) په کندهار کې ګڼ شمېر ناروغان د سختې بېوزلۍ او پراخې بېکارۍ له امله هڅه نه کوي چې ډاکتر ته ورشي یا درمل واخلي، دا د افغانستان په یوه خورا بېوزله سیمه کې روغتیايي خدماتو ته د خلکو د لاسرسي یوه بېلګه ده.

۱۲ کلنه نجلۍ نیسا د ځیګر د التهاب ناروغي لري، خو د هغې کورنۍ د درملنې د لګښت وس نه لري. د هغې والدین وایي: “موږ پیسې نه لرو.” دا د دې ولایت په ګڼ شمېر کورنیو کې د ورته ستونزو یوه بېلګه ده.

د کندهار بل اوسېدونکی عبدالغفور، له ورته ستونزو سره مخامخ دی. هغه وویل: «زما دواړه ماشومان ناروغ دي، او زه د دوی درملنې توان نه لرم.»

 ده زیاته کړه: «زه د دوی د عملیاتو یا حتی د لومړنیو طبي خدماتو پیسې نه شم ورکولای.»

د نیسا او نورو کیسې په ډاګه کوي چې څنګه اقتصادي ستونزې او د کار محدود فرصتونه په وخت او موقع د طبي درملنې مخه نیسي. کورنۍ په زیاتېدونکي ډول د ارزانه روغتیايي خدمتونو غوښتنه کوي. خلیل الله، چې د کندهار یو بل اوسېدونکی دی، د خپل زړه ناروغۍ اسناد وښودل او ویې ویل: «زه ناروغ یم او د درملنې لپاره هېڅ وسیله نه لرم.»

 هغه زیاته کړه: «موږ د ژوند کولو لپاره هڅې کوو. که زه ۵۰ افغانۍ وګټم، هغه د خپلو ماشومانو په مړولو لګوم.»

عبدالرسول، چې په کندهار کې د کار په لټه کې دی، وویل: «زه هېڅ پیسې نه لرم. هره ورځ د سړک غاړې ته دریږم د کار تمه لرم. کله چې کار پیدا کړم، شاید ۱۰۰ یا ۲۰۰ افغانۍ وګټم، چې یوازې د کور لومړنۍ اړتیاوې پوره کولی شي.»

د کندهار د اکثرو اوسیدونکو مخته دا دا دوه سخت او ستونزمن انتخابونه پراته دي چې یا خپل ماشومان په نسبي ډول په نس ماړه کړي او یا خپل ناروغان تدواوي کړي.

1 COMMENT

  1. پدی وخت کی چی نورو هیوادو کی د سپیانو، او نورو حیواناتو تداوی په وړیا ډول کیږی زمونږه هیواد کی چی د قرن تر ټولو مستبد، ظالم حکومت د اسلام تر جتر لاندی پر خلکو ټپل شوی نو د خلکو به دا حال وی. طالب حکومت چی ټول بیسواده کسان یی په حکومت کی مقرر کړی ورځ تر بلی د خلکو د نفرت وړ ګرځی. خلکو هیله درلوده چی د دوی اقتصادی، امنیتی، او تعلیمی حالت به تر پخوا ښه شی ولی بدبختانه تر ټول بد حالت د افغانستان په تاریخ نن سبا روان دی. د ښځو تعلیم بند، په والله د نارینه کسانو تعلیم هم چندان د صفت وړ وی. همدا اوس د تورخم او پاکستان دروازو کی په لسګونو زنانه، ماشومان منتظر د دی چی څنګه پاکستان ته واوړی د تداوی لپاره. لعنت دی پدی اسلامی حکومت شی. اسلام کیچیری داسی وی لعنت په اسلام هم شی کاش مونږه له ازله مسلمانان نوی. دا څومره د شرم، زلت او جهالت عقیده ده. ټول خلک په تیښته کی دی دا ولی؟ معادونونه ټول چور شول د خلکو لپاره پکی هیڅ کوم ستر سهولت منځ ته را نغلو. حد اقل یوه معیاری شفاخانه خو باید جوړه شوی وی.

LEAVE A REPLY

Please enter your comment!
Please enter your name here

- Advertisment -

ادب

یو شپون او یو پښتون ملا، ورسره یو څو یاران!|دوکتور لعل پاچا ازمون

له ناچاپ کتابه ما څه ګناه کړې؟ ژوند لوی پنډه را ته پر سر ایښی دی، زه یوازې او سپېره مړي کارونه دومره زیات دي چې...