تاند ( سه شنبه د مرغومي ـ جدي ۴مه) ننګرهار کې د طالبانو د امنیه قومندانۍ ویاند حماد وایي، وسله والو کسانو د جلال اباد ښار څلورمه ناحیه کې د هند په کونسلګرۍ کې پر یوه افغان کارکوونکي برید کړی.
حماد وایي دا پېښه نن ماسپښین شوي کارکوونکی شیرزاد نومېږي او هلته ژباړونکی دی.
نوموړی وایي د برید پرمهال د کونسلګرۍ افغان کارکوونکی ټپي شوی دی.
خو یو شمیر سرچینو رسنیو ته منلې چې یاد کس وژل شوی دی.
تر برید وروسته وسله وال کسان له سیمې تښتېدلي او حماد وایي تر اوسه یې په تړاو څوک نه دي نیول شوي.