تاند (چارشنبه/د قوس ۲۱مه) — د ټولنیزو رسنیو مشهور وېب سایټ فیسبوک له کاره ولوېد.
دا وخت چې په اروپا کې د ماښام ۷:۲۲ بجې دي فیسبوک نه تازه کیږي او د ناکارۍ پیغام ورکوي.
ویل کیږي چې د جرمني، متحده ایالاتو، کاناډا، افغانستان، هندوستان، بلجیم، برتانیا او تایلنډ په شمول ګڼ شمېر هېوادونو کې فیسبوک کار پرېښی دی.
فیسبوک چې مالک یې مارک زوکربرګ دی، د ټولنیزو رسنیو یو مشهور وېب سایټ دی چې شل کاله وړاندې د ۲۰۰۴ کال د فبرورۍ په میاشت کې یې کار پیل کړی دی.
دا وخت د نړۍ څه کم درې زره میلیونه انسانان د خبرونو، تجارت، خرڅلاو، هنرونو… په شمول بېلابېلو هدفونو لپاره له فیسبوک څخه کار اخلي.