تاند ( چهارشنبه د عقرب ۲۳مه) په تاجکستان کې نن د درېیو هېوادونو افغانستان، تاجکستان او نیپال فوټبال ملي لوبډلو ترمنځ درې اړخیزه لوبلړۍ پیلېږي.
دا لوبلړۍ نن مازدیګر د کابل په وخت ۵نیمې بجې د پلازمېنې دوشنبې په مرکزي سټوډیوم کې پیلېږي.
لومړۍ لوبه د نیپال او تاجکستان ترمنځ ده.
افغان لوبډله به خپله لومړۍ لوبه کې د را روانې شنبې ورځ نیپال سره لوبه کوي او دوهمه لوبه به د سهشنبې په ورځ له تاجکستان تر سره کړي.
افغان لوبډله د لومړي ځل لپاره له خپل ازبکستاني روزونکي عثمان سره د لوبو ډګر ته ننوځي.