تاند (جمعه، د عقرب ۴ مه) د افغانستان د ابدالیانو یا الف لوبډله به نن (جمعه) د کرکټ د اسیا د ایمرجنګ جام سیالیو په دوهمه نیمه پایلوبه کې د هند له الف لوبډلې سره مخامخ شي.
لومړی به نن دې جام لومړۍ نیمه پایلوبه د کابل په وخت د ماسپښین په یوه نیمه بجه د پاکستان او سریلانکا د الف لوبډلو ترمنځ پیل شي.
د افغانستان او هند د الف لوبډلو مسابقه به د کابل د ماښام په شپږ بجې وي.
دواړه سیالۍ د متحده عمان د مسقط په الاماره لوبغالي کې ترسره کېږي.
افغانستان چې له سریلانکا، بنګله دېش او هانګ کانګ سره په یوه ګروپ کې و، دوې مسابقې وګټلې او یوه وبایلله. :ه افغانستان پر هانګ کانګ نه وای بایللې، په نیمه پایلوبه کې به پاکستان سره مخامخ شوی و چې تر هند کمزورې لوبډله ده.