تاند ( یکشنبه، د میزان ۲۲مه) په سرپل ولایت کې د طالبانو د حکومت د امنیه قومندانۍ آمریت رسنیو ته ویلي، چې په تېرو ۶ میاشتو کې یې په دې ولایت کې ۱۹ زره ۱۲۸ جلده پاسپورتونه وېشلي دي.
سرچینه وایي له یاد شمیر پاسپورتونو ۱۰۳ ملیونه ۵۰۰ زره افغانۍعاید ترلاسه شوی دی.
په یاد ولایت کې د پاسپورت غوښتونکي بیا د بې نظمۍ شکایت لري او وایي سره له دې چې په خپل نمبر راغلي وي، خو بیا یې هم پر وخت کارونه نه خلاصېږي.
افغانستان کې د پاسپورتونو د وېش پروسه د جمهوریت له سقوط او د طالبانو د حکومت له بیا راتګ وروسته له ستونزو سره مخ شوه آن دا چې پت لومړیو کلونو کې په ډېرو لوړو پیسو پاسپورتونه وېشل کېدل.