تاند(سې شنبه، د میزان ۱۰ مه) قرغیزستان وايي افغانستان ته یې ۱۲۰ ټنه خوراکي توکي افغانستان ته د بشري مرستو په توګه واستول.
د قرغیزستان د بیړنیو حالاتو وزارت پرون (دوشنبې) راپور ورکړ چې دا مرستې د سپتمبر په ۲۸مه د سیمه ییزو چارواکو ګودام ته وسپارل شوې.
دا مرستې د بیړنیو حالاتو د وزیر بوبیک اژیکیف په مشرۍ د ولسمشر سیدر جپاروف په استازیتوب استول شوي دي.
د قرغیزستان ولسمشر سیدر جپاروف د ملګرو ملتونو د عمومی غونډې په ۷۸مه غونډه کې له نړیوالې ټولنې وغوښتل چې د افغانستان په اړه د ملي امنیت د شوراګانو او د ملي امنیت د سلاکارانو د شپږم سیمه ییز ډیالوګ په غونډه کې د افغانستان له خلکو سره یو ځای شي او ملاتړ یې وکړي.
قرغیزستان تر دې مخکې هم د طبیعي ناورین له امله اغیزمن شویو افغانانو سره بشري مرستې کړي دي.