تاند (پنجشنبه، د میزان ۵ مه) د طالبانو د مشر هبت الله اخونزاده د تازه فرمان پر اساس د حکومتي پروژو او ودانیو د پرانیستو په مناسبت د پټۍ پرې کول او له بوټونو سره دفترونو ته ننوتل منع شول.
د طالبانو د مشر په فرمان کې همداراز بوکسنګ یا سوکلوبه منع شوې ده.
دغه راز د ښوونکو او عاشقانو د ورځو په څیر د ورځو لمانځل هم “د شریعت خلاف” او “غیر اسلامي بلل شوي دي.
د طالبانو مشر هبت الله اخوندزاده، د دې ډلې د امربالمعروف او نهي عن المنکر د وزارت د وړاندیز پر بنسټ، د پروژو د پرانیستلو یا عملیاتو لپاره د پټۍ یا فتې پرې کول “غیر اسلامي” بللي او د هغو مناسبتونو، چې په اسلام کې نه شته، لمانځل “غیر اسلامي” بللي دي.
په دې فرمان کې، د طالبانو مشر په دفترونو کې په غالۍ باندې له بوټونو سره تګ “غیر اسلامي” او “د پیسو ضایع کول” بللي او دا کار یې منع اعلان کړ.
په حکم کې د بوکس د ممنوعیت په تړاو راغلي چې دا ورزش د ورزشکارانو د ټپي کیدو، ړوندوالي او حتي مرګ سبب کیږي، له همدې امله دا د اسلام ضد دی او د نه منلو سپورت دی او باید مخنیوی یې وشي.
د طالبانو مشر تر دې مخکې پر کراتې او یو شمېر نورو جنګي لوبو بندیز لګولی و.
هماغه د جوزف سټالین لوبه او حکومتولي یې په ملت شروع کړې او کیدی شي ساه اخستل هم د کوم شرط په اساس کړي. نر غیرتي او مسلمان ملته دا مو غوښتل اوس ورته ټینګ شئ.