تاند (یکشنبه، د سنبلې ۲۷ مه) د افغانستان د فوټسال ملي لوبډله سبا چهارشنبه د ( سنبلې په ۲۸مه) له ارجنټاین سره خپله دوهمه لوبه ترسره کوي.
افغانستان په لومړۍ لوبه کې چې، د تېرې یکشنبې په ورځ د ( سنبلې په ۲۵مه) ترسره شوه انګولا ته ۶ پر ۴ ماته ورکړه او بریا یې خپله کړه.
لومړۍ سیالۍ د ازبکستان د پلازمینې تاشکند په هومو لوبغالي کې ترسره شوه چې افغان لوبډلې په لومړۍ نیمايي کې ۵ ګولونه او انګولا یې پر وړاندې ۲ ګولونه ووهل.
د لوبې په دوهمه نیمايي کې انګولا دوه نور او افغانستان یو بل ګول ووهه او په دې ترتیب دا سیالي افغانستان وګټله.
په ازبکستان کې د ۲۰۲۴ فوټسال نړیوال جام سیالۍ د روانې سپتمبر میاشتې په ۱۵مه نېټه پيل شوې.