تاند (شنبه، د اسد۲۰ مه) د هلمند ولایت په مرکز لښکرګاه کې د هلمند بُست پنبې او نباتي غوړیو فابریکې بیاځلي فعالیت پیل کړ.
دغه فابریکه چې ۵۶ کاله وړاندې جوړه شوې وه د وخت جنګونو له امله له فعالیته پاتې وه.
د اقتصاد لپاره د طالبانو د رژیم وزیر قاري دین محمد حنیف وویل، دوی اوس د هېواد رغونې ته لاسونه رانغاړلي او په هېواد کې د فابریکو او پروژو د پرانیستلو شاهدان یو.
د هلمند لپاره د طالبانو والي مولوي عبدالرحمان مسلم کندوزي هلمند یو زراعتي ولایت بللی او ویلي یې دي چې د هلمند اقلیمي هوا د زراعت او مالدارۍ لپاره خورا مناسبه ده.
هېره دې نه وي چې څو ورځې وړاندې په کندهار ولایت کې د نساجي فابریکې هم په فعالیت پیل کړی دی.