تاند (چهارشنبه، د اسد ۳ مه) وروسته له دې چې چینايي شرکت د مس عینک کان د عملي کار پیلولو ته چمتووالی اعلان کړ، د طالبانو د حکومت د ریاستالوزرا اقتصادي مرستیال ملا عبدالغني برادر آخوند، نن په یو لړ مراسمو کې د لوګر په محمدآغې ولسوالۍ کې د مس عینک کان ته د غځېدلي سړک د جوړولو چارې پرانیستې.
د ریاستالوزرا د اقتصادي معاونیت په خبرپاڼه کې ویل شوي چې په همدې مناسبت په مراسمو کې د کانونو او پټرولیم وزارت سرپرست ملا هدایت الله بدري، د اطلاعاتو او کلتور وزارت سرپرست ملا خیرالله خواه، د چین د اطلاعاتو او کلتور وزارت معین، په کابل کې د چین سفیر، د مس عینک قراردادي «ام.سي.سي» شرکت رئیس او تخنیکي ټیم، د خصوصي سکټور استازو او د سیمې اوسېدونکو هم ګډون کړی وو.
د ریاستالوزرا اقتصادي مرستیال، د مس عینک پروژه، د هېواد له مهمو او حیاتي پروژو څخه بللې او ویلي یې دي چې د دې پروژې ډېر وخت ضایع شوی او اوسمهال پکار ده چې عملي کارونه یې ژر پيل شي.
ملا عبدالغني برادر آخوند دغه راز د مس عینک پروژې د قراردادي شرکت مسئولانو ته ډاډ ورکړی چې د پروسس پر مهال د زهرجنو موادو د له منځه وړلو لپاره په افغانستان کې دننه کافي مواد موجود دي، دا ستونزه په بشپړ ډول حل شوې او د پروژې د عملي کار پر وړاندې هېڅ خنډ نشته.
هغه زیاته کړې چې د پروژې لپاره یې د پیسو د انتقال په موخه د افغانستان بانک ته هدایت کړی، چې له قراردادي شرکت سره لازمه همکاري وکړي.
د ریاستالوزرا اقتصادي مرستیال قراردادي شرکت ته د بشپړ امنیت د تامین ډاډ ورکړ.
د کان د سپړلو چارې به په څو ورځو کې پیل شي
پرون د طالبانو د کانونو او پټرولیم وزارت وویل چې له پنځلس کلن ځنډ وروسته به د عینک د مسو کان د استخراج چارې د روانې اوونۍ تر پایه پیل شي.
د دغه وزارت ویاند همایون افغان د سهشنبې په ورځ پر خپله ایکسپاڼه کې لیکلي چې، د عینک د مسو کان چینایي قراردادي “MJAM” به په افغانستان کې دننه د دغه کان د پروسس چارې ترسره کوي.
هغه لیکي: “قراردادي شرکت مکلف دی چې د ۲۰۰۸ کال د ژمنو پر بنسټ، د وروستي او سل فیصده پروسس سربېره، د دې اوونۍ په پای کې له کوم خنډ او ځنډ پرته د نړۍ د مسو په یوه تر ټولو لوی کان کار پیل کړي.”
هغه زیاته کړه، د عینک د مسو کان د عملي کار په پیلېدو سره به ۳ زره هېوادوالو ته په مستقیم ډول او ۱۰ زره نورو ته به په غیر مستقیمه توګه د کار زمینه برابره شي.
د طالبانو د کانونو او پټرولیم وزارت د جولای په ۱۷مه په یوه خبرپاڼه کې ویلي و چې، د چینايي کمپنۍ مشر سونګ وینبینګ او د دغه وزارت سرپرست هدایت الله بدري د عینک د مسو د کان په اړه خبرې کړې دي.
لرغوني اثار به خوندي وي
په دې مراسمو کې د اطلاعاتو او کلتور وزارت سرپرست ملا خیرالله خیرخواه، ډاډ ورکړ چې دلته شته لرغوني آثار به په خوندي توګه وساتل شي.
ښاغلي خیرخواه زیاته کړه: «د تاريخي آثارو د ساتنې په موخه د ټولو اړخونو له هلوځلو څخه مننه کوو؛ د مس عینک د کان کیندنه له هر اړخ څخه د ځمکې د تل طرف ته پيلېږي، ترڅو تاريخي آثار محفوظ پاتې شي».
ده همداراز وویل چې د تاريخي آثارو ساتنه او د کان کیندنه په هم مهاله توګه یو پېچلی کار و؛ چې د ښکېلو اړخونو په همغږۍ په ښه توګه د یوې قوي طرحې په پلې کولو سره مدیریت، حل او پیل شو او دا پروژه د نورو پروژو په پيل کې هم آسانتيا رامنځته کولی شي.
دا هر څه غیری قانوني دي، تر څو چې د ملت په خوښه حکومت نه وي داسې غلې او پنجاب نماینده ډلو سره هر ډول قراردا کول د ملت سره خیانت دی. چین باید ددې قرارداد نه شاته شي او کنه حساب به بیا ورکړي. ځکه طالب یواځې د هیواد لوټمار ته راغلی.
سلیمانه څه وکړو ! دغه د طغوتي جهاد له برکته هیواد د تورتم په تیارو کې غرقیږي. د ملا چړي طالب سي مخکې به یې لکه سپي ته سي مړۍ وراچوله نن د واک په ګدۍ ناست ده. موږ او تاسي متل لرو ( د چرګې یې د مالګې له څټلو سره څه) دغه د یرغلګرو بل سوغات سي دغه د مدرسې چړی یې واک ته ورسول او دا یې ورباندي منلې سي دغه ولس به تر قیامته په جهالت کې ساتې. ملا چړي طالب سوډر همداسي ټټر ورته ډبولی. ☹️
ماشاالله
ښه خبر
غوړ خبر
په زړه او سینه پورې خبر
او که دا ښه خبر په چا بد لګېدلی وي
فیناډول سی ایف ګولی یې
سر دردي ښه کوي
ته خو د طالب اورته د غاري بیلچې لاستئ یې. د تاسي جاهلو د پنجاب د مدرسو د کونیانو لپاره د هیواد شتمني هیڅ ارزښت نه لري. چین ځوزي ماځوزي به د افغانستان شتمني د اوربشو په بیه چور کړي. هغه متل ده ډم له خدایه څه غواړي ؟ یا ویر غواړي یا ښادي د بیلچې د مدرسې چړي اول املاء زده کړه. 😡
تا ته عقلي او عصبي داکټر څه وویل، چې جوړ به شی او کنه؟
ځکه خوږ خبر دی چې تاته به هم د غلا ګټه رسیږي
سلیمانه دغه هسي د طالب په سحر کې لاهو جاهلان دي. دوۍ هسي خیالي عاشقان والله دغه خدایی خدمتګاران طالب خپل خیرات هم وروبولي.
د معدنونو استخراج ښه زیری او ښه اقدام دی ( په حقیقت کی یو حیاتی ضرورت دی) خو پدې شرط چی دواړی خواوی په معامله کی د انصاف او عدالت څخه کار واخلی ( د استخراج د ګټو اغیز او تأثیر مستقیماً د عام وولس پر جیب او دسترخوان احساس شی ).
What you mean moderation? You want to get permission from your uncle Biden? ☹️