تاند (شنبه، د سرطان ۳۰ مه) د سپین بولدک د وېش بازار زرګونه دوکانونه سوځېدلي دوکاندارانو ته یې د میلیونونو ډالرو تاوان اړولی دی.
د کندهار په سپین بولدک کې د طالبانو ولسوال وايي، په دې ولسوالۍ کې د پروني اور په نتیجه کې لږترلږه ۲ زره ۵۰۰ دوکانونه سوځېدلي دي.
د آی پي آی خبري اژانس د راپور له مخې، عبیدالله بشیر د دوکانونو د سوځېدو په نتیحه کې دوکاندارانو ته اوښتی تاوان د میلیونونو ډالرو وباله.
ځايي اوسیدونکي وايي، په مجموع کې شاوخوا ۴ زره دوکانونه زیانمن شوي دي.
پرون (جمعه) د سپین بولدک ولسوالي په وېش بازار کې اور ولګېد او په څو ساعتونو کې یې د بازار ټول شیان په هیرو بدل کړل.
په دغه بازار کې د موټرو پُرزې، دوهم لاس موټرونه، ټایرونه او نور وسایل په عمده او پرچون ډول پلورل کېدل.
تراوسه پورې د اور لګېدو علت نه دی څرګند شوی.
دوکانداران وايي، هیڅ شی ورپاته نه دی. دوی له طالب چارواکو د ملاتړ غوښتنه کوي.
و لا حول و لا قُوت اِلا بِالله!
دا لمړی ځل ندی چې افغان دوکانداران ،تاجران او موټروانان … د داسې ناوړو سوزونکو واقعو سره مخکیږي؛ څو کاله مخکې د کابل کمپنۍ کې څو سوه د تیلو ټانکرونو له مینځه تلل؟؛
دپیښور بورډ بازار کې دافغانانو دوکانونو سوزول کیدل؟؟
د کابل مڼډهیی بازار کی د بوټانو،کلوشو دوکانونو سوزول کیدل
او داسې نورو پیښو تر شا حتماََ د افغان او افغانستان د ازلي او اوسني دشمنانو کرغیړن لاس دی!!!
له یوې خوا نه طبیعي او د اقلیمي بدلون ناورینونه د زلزلو،سیلاوونو او… ؛ له بل پلوه جګړې سیاسي تورونه او او د تجارتي دروازو بندول له افغانانو نه ژوندونونه اخلي
نپوهیږو ، د خدای تعالا ابتلاء ده اوکه د واکدارانو شوومتوب!!!!
– په اتم پره ګراف کې … په (هیرو) بدل سول ؟ …سم به ې په( اِيرو) وي.!
الله دې ټولو ښو افغانانو/پشتنو ته خیر او صبر ورکړي .آمین