شنبه, جولای 20, 2024
Homeخبرونهپولنډ د جرمني پر پولیسو د یوې افغانې کورنۍ د ورستنولو له...

پولنډ د جرمني پر پولیسو د یوې افغانې کورنۍ د ورستنولو له امله نیوکه کړې ده

تاند (سې شنبه، د جوزا ۲۹ مه) پولنډ د جرمني پر پولیسو په دې خاطر انتقاد وکړ چې د دغه هېواد له مشورې پرته یې یوه افغانه کورنۍ پولنډ ته لېږلې ده.

د دوشنبې په ورځ، د جوزا په ۲۸، د پولنډ د پوله ساتو ادارې پر خپله ایکسپاڼه (پخواني ټویټر) په یوه پیغام کې لیکلي: «د جرمني د پولیسو له خوا د پولنډ خاورې ته د بهرنیو اتباعو لیږدول د اصولو سرغړونه او د دواړو هېوادونو د پوله ساتو بنسټونو ترمنځ د همکاري او د بهرنیو اتباعو د لېږد د قانون خلاف کار دی. د جرمني چارواکي او حکومتي بنسټونه باید دا ډول پریکړې په خپلسر ونه کړي.»

پولنډي رسنیو د عیني شاهدانو له قوله ویلي چې د جمعې په ورځ د جوزا په ۲۵مه د جرمني د پولیسو یو موټر د پولنډ په خاوره کې د اوسینوف سرحدي کلي ته داخل شو او یوه مهاجره کورنۍ یې هلته پرېښوده.

د جرمني د خبري آژانس د خبر له مخې، د دغه هیواد حکومت وايي چې د دغه هیواد پولیسو په هماغه ورځ د جرمني سرحدي کلي ته نژدې یوه پنځه کسیزه افغان کورنۍ وپېژندله او د دې لپاره چې دا کسان له اجازې پرته دغه هیواد ته داخل شوي وو. د پولو د کنټرول د مقرراتو پر اساس پولیسو ودرول.

د جرمني حکومت زیاته کړه چې د دې کورنۍ بالغ غړيو د پولنډ د پناه غوښتنې اسناد درلودل او ماشومانو یې هم د پولنډي هویت اسناد درلودل، خو جرمني ته د ننوتو او یا د پناه غوښتلو لپاره یې د غوښتنلیک فورمه نه وه ډکه کړې او د قانوني مقرراتو له مخې باید پولنډ ته ګرځول شوي وای.

د جرمني پولیسو زیاته کړې چې پولنډ ته پر لاره د دې کورنۍ ماشومانو ورته ویلي وو چې ستړي دي او له همدې امله پولیسو په یوه سرحدي کلي کې درملتون ته بیولل.

د جرمني پولیس وايي، د دې پېښې له ټولو جزییاتو یې پولنډي پوله ساتي خبر کړي دي.

د خپل اعلان په یوه بله برخه کې، د پولنډ سرحدي ساتونکي ویلي چې دوی به د سه شنبې په ورځ په لوړه کچه دا موضوع تعقیب کړي.

LEAVE A REPLY

Please enter your comment!
Please enter your name here

- Advertisment -

ادب