تاند (سې شنبه، د ثور ۱۸ مه) افغانستان او ترکمنستان په خپل منځ کې د سوداګري اړیکو او د هغو د پراختیا پر لارو چارو خبرې وکړې.
د منځنۍ اسیا د تریند خبري اژانس د راپور له مخې، په دې موضوع د افغانستان د هرات د والي نوراحمد اسلامجار او د ترکمنستان د صنعتي شرکتونو د اتحادیې د ريیس ناکرقلي عطاګلي اوف په مشرۍ پلاوي ترمنځ په کتنه کې خبرې وشوې.
د ترکمنستان پلاوي د هرات د سفر په ترڅ کې د هرات په صنعتي زون کې د مرمرو د پروسیس فابریکه هم له ولیده او له ځايي صنعتکارانو سره یې خبرې وکړې.
د هرات والي ترکمن پلاوي ته وویل چې د هرات په صنعتي پارک کې اوس شاوخوا زر فابریکې فعالې دي او هر راز تولید لري.