تاند – څېړونکو د مصنوعي ذهانت یو ماډل اختراع کړی چې د یو چا جنسیت د هغه د مازغو په سکن کولو معلوموي.
د نیورو ساینس نیوز د راپور له مخې، د امریکا د سټنفورډ طبي پوهنتون څېړونکو داسي مصنوعي ذهانت نندارې ته وړاندې کړ چې تر څه باندې ۹۰ سلنه د یو چا د مغزي فعالیت د سکن کولو له لارې د هغه جنسیت معلوموي.
دا ساینسي پرمختګ د هغې نظریې ملاتړ کوي چې د جنسیت پر اساس په مازغو کې مهم توپیرونه شته.
دا څېړنه همداراز د انسان په مازغو کې د جنسیتي توپیرونو د شتون په اړه د پخوانیو بحثونو له حل کولو سره مرسته کوي.
په عین حال کې دا پرمختګ د اعصابو او روحي ناروغیو (neuropsychiatric) په درملنه کې، چې د ښځو او نارینه وو ترمنځ توپیر لري، مرسته کولی شي.