تاند (چهارشنبه، د حمل لومړۍ) په کندهار کې د طالبانو ځایي چارواکي وایي، د لوی احمدشاه بابا د مور زرغونې انا د مقبرې د بیا رغولو چارې بشپړې شوې دي.
د انا مقبره چې د ارغنداب ولسوالۍ اړوند په کوهک سيمه کې موقعيت لري، د بیارغولو چارې یې درې مياشتې وړاندې د اطلاعاتو او کلتور وزارت له لوري پيل شوې وې چې اوس پای ته ورسېدې.
د کندهار د اطلاعاتو او کلتور طالب رئيس مولوي انعام الله سمنګاني وويل، چې د زرغونې انا مقبرې په بیارغونه ۱۱ ميليونه افغانۍ لګښت راغلی، چې د اطلاعاتو او کلتور وزارت له بوديجې څخه ورکړل شوی دی.
د طالب چارواکو د معلوماتو له مخې، په کندهار کې د لوی احمدشاه بابا د کور ترميماتي چارې هم دوام لري.
دا ستر ویاړ او ستر برم ده زرغونه انا نازو انا زموږ سترې اناګانې روح یې ښاده 💐💐💐💐💐💐💐💐💐💐💐💐💐