تاند (سې شنبه، د حوت ۲۲ مه) راپورونه وايي، چې د غزني ولایت په واغظ ولسوالۍ کې یوې ۱۱ کلنې نجلۍ یو ۴ کلن ماشوم وژلی دی.
د طالبانو د رژیم ځایي چارواکو د دې پېښې د تایید په ترڅ کې ویلي چې پېښه په شمشېر کلي کې شوې ده.
د غزني امنیه قوماندانۍ ویلي چې نجلۍ دا ماشوم په ډبرو وژلی دی.
بیان زیاتوي چې د پېښې انګېزه تراوسه نه ده معلومه.
د بیان له مخې،د پېښې په تړاو تورنه ماشومه او پلار یې نیول شوي او د پلټنو لپاره د ولسوالۍ مرکز ته بېول شوي دي.
په وروستیو کې له بېلابېلو سیمو د ورته جنایي پېښو خبرونه زیات شوي.