پنجشنبه, اپریل 18, 2024
Homeخبرونهد مولوي کبیر ادعا؛ منزوي نه د نړیوالې پاملرنې محور یوو

د مولوي کبیر ادعا؛ منزوي نه د نړیوالې پاملرنې محور یوو

تاند ( ۲ شنبه، د حوت ۱۳ مه) د طالبانو د ریاست الوزرا سیاسي مرستیال مولوي عبدالکیر ادعا لري، چې افغانستان په نړیواله کچه منزوي نه؛ بلکې د نړۍ د توجه په محور کې دی.

هغه د یکشنبې په ورځ په کابل کې د یوې مدرسې فراغت غونډې ته د وینا پر مهال دا ادعا هم وکړه، چې د دوی رژیم په نړۍ کې ۳۸ سیاسي نمایندګۍ لري او نړیوال دوی سره تعامل ته لېواله دي.

د نوموړي په یوه اعلامیه کې د هغه له قوله لیکل شوي: « نوموړي وویل، افغانستان په انزوا کې نه، بلکې د نړۍ د توجه په محور کې قرار لري او نړیوال لېوالتیا لري چې ورسره خپل تعامل زیات کړي. »

د ښاغلي کبیر دا ادعاوې په داسې مهال دي، چې تر اوسه د نړۍ هیڅ کوم هېواد د دوی رژیم په رسمیت نه پېژني او د افغانستان په تړاو د ملګرو ملتونو څو پرله پسې غونډې د دوی د رژیم پر وړاندې د هېوادونو د متضادو دریځونو له کبله بې پایلې پای ته رسېدلي دي.

له دې سره، اندېښنې شته چې که طالبان له نړیوالو سره د تعامل په اړه په دې حساسه مرحله کې کومې پایلې ته ونه رسیږي؛ ښایي افغانستان سره کېدونکې بشري مرستې هم ستونزو سره مخ شي.

تازه، د افغانستان لپاره د ملګرو ملتونو د بشري مرستو د همغږۍ ادارې( اوچا) پرون یو ځل بیا خبرداری ورکړ چې د بودیجې د کمښت له امله په افغانستان کې د بشرپاله مرستو هڅې له خطر سره مخامخ دي.

LEAVE A REPLY

Please enter your comment!
Please enter your name here

- Advertisment -

ادب