یکشنبه, اپریل 14, 2024
Homeخبرونهسپینه ماڼۍ: د دوحې تړون د افغانستان حکومت کمزوری کړ

سپینه ماڼۍ: د دوحې تړون د افغانستان حکومت کمزوری کړ

تاند (پنجشنبه، د حوت ۱۰ مه) د سپینې ماڼۍ ویاندې تایید کړه چې د ۲۰۲۰ د فبرورۍ په ۲۹ مه دوحې تړون د افغانستان په حکومت کې د دوی شریکان کمزوري او طالبان پیاوړي کړل.

کارن ژان پییر دا خبره پرون د دوحې تړون د څلورمې کالیزې په درشل کې په واشنګتن ډي سي کې یوې خبرې غونډې ته وکړه .

خو د سپینې ماڼۍ ویاندې د دې لپاره چې د امریکا له اوسني حکومت څخه پړه لېرې کړي، وویل، د ولسمشر ډانالډ ټرمپ د حکومت په وخت په دوه زره شلم کال کې دا تړون لاسلیک شوی و او د ولسمشر جو بایډن حکومت له یوه  شوي عمل سره مخامخ و چې د تړون له عملي کیدو پرته بله لاره نه وه.

له ننه څلور کاله مخکې د قطر په پلازمینه کې د امریکا  د هغه وخت د جګپوړي دیپلومات زلمي خلیلزاد او د طالبانو د سیاسي دفتر د مشر ملا عبدالغني برادر ترمنځ دا تړون لاسلیک شو.

د سپینې ماڼۍ ویاندې اغلې پییر پرون دا خبره هم وکړه چې طالبانو د دې تړون ژمنې بشپړې نه دې عملي کړي او د دې ژمنو د عملي کیدو لپاره متحد ایالتونه هڅې کوي.

خو دا په داسې حال کې ده چې طالبان وايي د دوحې تړون ژمنې یط عملي کړي خو امریکا نه دي عملي کړي. طالبان د افغانستان په فضا کې د امریکا د بې پېلوټه الوتکو الوتنې د دوحې تړون سرغړونه بولي.

1 COMMENT

  1. دا خبری په اوس وخت کی د جو بایډن او ډونالډ ټرمپ د انتخاباتی کمپاین خبری دی. زمونږ وطن د بوش او همدغی دواړو د خراب سیاست دلاسه در په دره شو.

LEAVE A REPLY

Please enter your comment!
Please enter your name here

- Advertisment -

ادب