تاند ( جمعه، د دلوې ۲۷مه) د طالبانو د بهرنیو چارو وزارت سیاسي مرستیال عباس ستانکزي په یوه وینا کې د پاکستان او ډیورنډ فرضي کرښې پر ضد توندې څرګندونې کړي.
د هغه د څرګندونو په یوه رسنیزه شوې ویډیو کې، چې دی یوې غونډې ته د وینا پر مهال ښيي ویل شوي: ډیورنډ فرضي کرښې افغانستان د انګرېز په لاس دوه ټوټې کړی، موږ نه دا کرښه منلې او نه یې منو، یوه ورځ به د بنګال پېښه بیا تکرار شي.
د ستانکزي اشاره په ۱۹۷۱ کې د پاکستان دوه ټوټې کېدو او پر پاکستان او بنګله دېش هېوادونو وېشل کېدو ته یې وه.
هغه دغه راز د دوی د لومړي رژیم سقوط ته اشاره وکړه، چې په خبره یې پاکستان پکې د امریکا بریدونو ته لاره هواره کړې وه.
ستانکزي پاکستان ته په خطاب کې وویل، چې د افغانستان له ارامیدو سره به د هرې هغې مرمۍ حساب کوي، چې د دغه هېواد له لارې افغانستان ته راغلې او په وینا یې د دوی طالبان پرې وژل شوي.
پاکستاني چارواکو د نوموړي څرګندونو ته غبرګون نه دی ښودلی.
هغه د طالبانو په لیکو کې له محدودو چارواکو څخه دی، چې د پاکستان خلاف توند دریځ او له افغانانو سره د طالبانو په کړنو کې د نرمښت غوښتنه کوي.
ستانکزی له دې امله په خلکو کې له محبوبیته هم برخمن شوی او ورته ویناوې یې تل هرکلي سره مخ شوې دي.
د عباس ستانکزی خبری د قدر وړ دی، د پنجابیستان د پیداښت سره افغانستان ښه ورځ ونه لیدله، تر څو چه د انګریز د لاس دغه ګوډاګی پنجاب ځمونږ تر څنګ وجود ولری مونږ به تل په جګړه کی یاستو.
د ډیورنډ کرښې په نوم افغانان کوم شی نه پیژنی. که په پنجابیستان کی د عاصم منیر په شان مغروره ناپوهه واکداران وی، کیدایشی چه ډیر ژر ټوټه ټوټه شی.
هیبتو او څه شي غواړۍ او د زده کړو وزیر او ځیني نور یې وفادار سپي دي. 😡