تاند (چارشنبه، د قوس ۲۹ مه) د پاکستان پخواني صدراعظم او د تحریک انصاف ګوند مشر عمران خان په لومړي ځل د مصنوعي ځيرکتیا په مرسته خپلو پلویانو ته ویډیویي وینا خپره کړې ده.
د هغه ګوند چې دغه وینا یې خپره کړې، ویلي چې د پاکستان حکومت بندي عمران خان ته له زندانه د ویډویي وینا اجازه نه ورکوله، ځکه دوی له مصنوعي ځيرکتیا په مرسته د هغه د ویډیویي وینا جوړولو هڅه وکړه.
په دغه وینا کې له زندانه د عمران خان د وینا استول شوی متن د مصنوعي ځيرکتیا په مرسته ترتیب شوی.
عمران خان په دغه وینا کې د پاکستان را روانو پارلماني ټاکنو ته په اشارې ویلي چې له دغو ټاکنو د ده په مشرۍ د ګوند محرومول او له سیاسته د ده لیرې بیول به ښې پایلې ونه لري.
د نوموړي دغه وینا له مصنوعي ځيرکتیا څخه د استفادې له امله د پام وړ ګرځېدلې.
ځینو کتونکو ویلي چې د عمران خان ګوند بیا هم له ټیکنالوژۍ څخه د استفادې له پلوه پاکستان کې مخکښ شوی، خو ځینو نورو ویلي چې د دا ډول ویناوو دودول به جانبي زیانونه ولري او کېدای شي ډېرې جعلي ویناوې را مخې ته کړي.