تاند (جمعه، د سنبلې ۲۴مه) اروپايي پارلمان د سږ کال سخاروف جایزې ته درې افغانان نومولي چې د تعلیم د پراختیا لپاره یې هلې ځلې کړي دي.
د اروپايي پارلمان یوې غړې حنا نیومن د پنجشنبې په ورځ / سپټمبر ۱۴ مه په یوه پوسټ کې ولیکل چې د تعلیم د حق درې افغان فعالان د ۲۰۲۳ کال د سخاروف جایزې ته نومول شوي دي.
د قلم ټولنې موسس مطیع الله ویسا، پرستو حکیم، او مرضیه امیري هغه درې افغانان دي چې د زده کړو د حق لپاره د هلوځلو په خاطر دې معتبرې جایزې ته وړاندیز شوي دي.
که څه هم د تعلیم د پراختیا او ترویج لپاره د مطیع الله ویسا له هڅو څوک انکار نه شي کولی، خو د دوو نورو د فعالیت په اړه ډیر څه نه دي اورېدل شوي.
خو ویل شوي چې مرضیې حکم د نجونو لپاره څو پټ ښوونځي جوړ کړي دي.
مطیع الله ویسا د تعلیم لپاره د هلوځلو په خاطر له څو میاشتو راهیسي د طالبانو په بند کې دی.
د «ازاد فکر لپاره د سخاراوف جایزه» د اروپايي پارلمان له لوري هغه کس یا ډلې ته ورکول کېږي چې خپل ځان یې د بشري حقونو او د نظر د ازادۍ دفاع ته وقف کړی وي.
د تعلیم فعاله او د سولې د نوبل ګټونکې ملاله یوسفزۍ یو له هغو کسانو څخه ده چې دا جایزه یې ګټلې ده.
واضحه خبره ده
ښځی به دغه جایزه ګټی
ځکه جایزه دهمدوی لپاره دغربیانو لخوا اماده شوی ده
دا د افغانانو لپاره ستره ویاړنه دی چی دوه ځلاندی پیغلی او یو ځلانده ځوان سربیره د تورو جاهلو او ظالمو قدیانیو فشار سره د تعلیم او زده کړو لپاره د هری قربانی سره سره هلی ځلی کوی او باالخصوص محترم ویسا صاحب د تعلیم او زده کړو په خاطر د تورو ظالمو قدیانیو بندیخانی کښی لا تر اوسه بندی ساتل کیږی خدای پاک دداسی تور غلام جاهلان تباه او نابوده کړی او تاسو با جرأتو ځوانانو ته د سخاروف جایزی مبارکی وایم او محترم ویسا ددی جاهلو ظالمو غلامو قدیانیو بندی خانی څخه ژر خلاصون په هیله یم !!!!!