تاند: (چارشنبه، د وږي ۱۴ مه ) راپورونه وایي، چې په تورخم کې د طالبانو د ځواکونو او پاکستاني لوري ترمنځ وسله واله نښته شوې ده.
ځایي سرچینو ویلي، چې نښته د پاکستاني لوري د یوې خپلسرې پوستې د جوړولو په سر شوې ده.
تر اوسه د دې نښتې په تړاو زیات جزییات نه دي ورکړل شوي.
څو ورځې مخکې د طالبانو د کورنیو چارو وزارت ویاند د دوی له بیا واکمنیدو راهیسې له ګاونډیو هېوادونو سره د شاوخوا ۵۰ وسله والو نښتو خبر ورکړی او په دې نښتو یې ګاونډي هېوادونه ګرم کړي وو.
د دغو نښتو یوه لویه برخه له پاکستان سره شوي دي.