تاند: (دوشنبه، د وږي ۶ مه ) په ننګرهار کې د شانتي رضا کاره ټولنې لخوا د ۱۳۵ زرو امریکایي ډالرو په ارزښت د ماشومانو لپاره یو کتابتون جوړ او پرانېستل شو.
د يادې موسسې استازي انجينر عنايت الله نصر ویلي، چې دغه کتابتون، په دوه بسوې او پنځه څلوېښت متره مربع ځمکه کې په پاخه او اساسي ډول جوړ شوی.
د هغه په وینا، د ودانۍ ترڅنګ د کتابتون ټول اړين توکي او کتابونه هم په پام کې نيول شوي، چې لګښت يې د جاپان هېواد له لوري ورکړل شوی.
د ننګرهار لپاره د طالبانو د اطلاعاتو او کلتور رئيس وويل؛ دا کتابتون به هم د عامه کتابتون په شان د ماشومانو پرمخ خلاص او دريو تنو استادانو له لوري به ماشومانو ته پکې زده کړې ورکول کېږي.