تاند: (دوشنبه، د زمري ۲۳ مه ) د هلمند لپاره د طالبانو د رژیم د اطلاعاتو او کلتور ریاست په ځايي رسنیو کې د ښځو د غږ په خپریدو بندیز لګولی.
د افغانستان د خبریالانو مرکز ویلي، چې دا پریکړه تازه شوې او دوی پرې د بیا کتنې غوښتنه کوي.
دغه مرکز د طالبانو پرېکړه د ښځو خلاف د محدودیتونو دوام او د بیان د ازادۍ سرغړونه بللې ده.
تېره اونۍ د افغانستان په بېلابېلو ولایتونو کې د طالبانو استخباراتو ۵ خبریالان بندیان کړي وو.
په وروستیو کې د رسنیو او خبریالانو پر وړاندې د طالبانو د ناسم چلند او بندیزونو خبرونه بیا زیات شوي.