تاند (جمعه، د اسد ۲۰مه) د افغانستان د طالبانو د حکومت د ريیس الوزرا اقتصادي مرستیال ملاعبدالغني برادر، چې د یوه پلاوي په مشرۍ ترکیې ته تللی، پرون د ترکیې له بهرنیو چارو وزیر هاکان فیدان سره وکتل.
د ريیس الوزرا د مرستیال دفتر ویلي چې ده د ترکیې له بهرنیو چارو وزیر سره په کتنه کې د افغانستان او ترکیې ترمنځ د هوايي دهلیز او د سوداګرۍ د ګډې خونې د جوړېدو غوښتنه وکړه.
د ترکیې د بهرنیو چارو وزارت تراوسه پورې د ښاغلیو ملابرادر او فیدان د کتنې په اړه څه نه دي ویلي.
دواړو خواوو په ترکیه کې د افغان کډوالو د وضعیت او ځنیو نورو مسلو په اړه هم خبرې کړي دي.
ملا عبدالغني برادر د سې شنبې په ورځ د یوه پلاوي په مشرۍ ترکیه ته لاړ.
د ا.ا.ا د ریاستالوزراء اقتصادي مرستیال محترم ملا عبدالغني برادر د ترکیې بهرنیو چارو وزیر ښاغلي هاکان فیدان سره وکتل.
په دې کتنه کې دواړو لوریو د دوه اړخیزو مناسباتو، سوداګرۍ، سیمهییز اتصال او دواړو هېوادونو ترمنځ د اقتصادي همکاریو د پراختیا په باب بحث او خبرې وکړې. https://t.co/fGtxwAuOqu— Zabihullah (..ذبـــــیح الله م ) (@Zabehulah_M33) August 10, 2023