تاند: ( چار شنبه، د سرطان څوارلسمه) د خوړو نړیوال پروګرام د افغانستان وضعیت ته په اشارې سره اعلان وکړ چې د افغانستان له خلکو سره د مرستو د دوام لپاره په دغه هېواد کې تر یو میلیارد ډالرو زیاتو مرستو ته اړتیا ده.
دغه سازمان په یوه اعلامیه کې ویلي چې د مالي منابعو د کموالي له امله اړ شوی چې د هغو کسانو شمېر چې هره میاشت له ډېرو زیانمنو شویو کسانو سره مرسته کوي، کم کړي.
د دې اعلان له مخې، د خوړو نړیوال پروګرام د افغانستان له خلکو سره خپلې مرستې کمې کړي دي، په داسې حال کې چې ۲۸.۸ میلیونه وګړي یا د هېواد دوه پر دریمه برخه وګړي په ۲۰۲۳ کال کې څو اړخیزو بشري مرستو ته اړتیا لري.
سرچینې زیاته کړه چې تمه کیږي 15.3 ملیون خلک به د 2023 د می او اکتوبر ترمینځ سخت خوراکي خوندیتوب ولري.
په افغانستان کې د خوراکي توکو د نړیوال پروګرام مشرې هیسو وی لی د دې اونۍ په پیل کې اعلان وکړ چې له افغانستان سره د خوراکي توکو د مرستې لپاره د دې سازمان بودیجه به د اکتوبر تر پایه پای ته ورسیږي.
د طالبانو د ریاست الوزرا اقتصادي مرستیال ملابرادر اخند د تېر اختر د لمانځه پر مهال لویدیز هېوادونه تورن کړل، چې په افغانستان کې د بشري او اقتصادي وضعیت د خراب ښودلو په وسیله افغانان بهرنیو مهاجرتونو ته هڅوي.
دا په داسې حال کې ده، چې هره ورځ د افغانستان له مختلفو سیمو د اقتصادي او بشري ستونزو د زیاتیدو خبرونه ورکول کیږي.