تاند: ( دوشنبه ، د غويي ۱۱ ) د ننګرهار په ګوشتې ولسوالۍ کې د ورځې شاوخوا درې بجې د سخت باران او تالندې پر مهال اسماني تندر غورځيدلی، چې له امله يې د نقيب الله په نوم ځوان وژل شوی.
د طالبانو ولایتي ادارې ويلي، چې ځایي واکمنان يې د پېښې ځای ته پر وخت رسيدلي و او د وژل شوي جسد يې د هغه د کورنۍ غړو ته سپارلی دی.
بل لور ته، راپورونه وايي چې د ننګرهار په کوټ، سره رود او روداتو ولسواليو کې سختې ږلۍ، باران او باد له امله فصلونه او ميوه لرونکي بوټي زيانمن شوي دي.
د طالبانو د کرنې رياست چارواکي وايي، چې دا لومړني معلومات دي او ښايي په نورو سيمو کې هم وروستيو اورښتونو فصلونو ته زيانونه اړولي وي.