تاند:( چار شنبه ، د حمل ۲۳ ) په هلمند کې د ملګرو ملتونو اړوند يونېسف ادارې د جګړې پر مهال د زيانمن شويو ښوونځيو د ترميمولو چارې پيل کړي دي.
يونېسف ویلي، چې تازه یې د دغه ولايت په مارجې ولسوالۍ کې يو ښوونځی ترميم کړی دی.
سرچینې د یاد شوي ښوونځي د ترمیم لګښت او نور جزیات نه دي په ډاګه کړي.
د يونېسف مسوولين وايي، پلان لري چې په دې ولايت کې ۶۰ ښوونځي ترميم او بېرته فعاله کړي.
هلمند، د جمهوري نظام پر مهال د طالبانو د جګړو له امله سخت وځپل شو، چې د نورو برخو تر څنګ یې زیات ښوونځي هم ویجاړ او خلک له زده کړو محروم پاتې شول.
په وروستیو کې طالبانو هم د یو شمېر دغو ښوونځیو د بیرته پرانیستلو خبر ورکړی.