تاند:( دوشنبه، د حمل ۱۴ ) د هلمند په مرکز لښکرګاه همت لوبغالي کې د رمضان جام په نوم د فوټبال شپنۍ لوبي پیل شوې.
د دغه ولایت د ورزش امریت ویاند عبدالقیوم څپاند وویل چي د رمضان جام په نوم د فوټبال سیالیو کې د مرکز لښکرګاه څخه ۲۴ لوبډلو برخه اخیستې او دا سیالۍ به د روژې تر وروستیو دوام ولري.
دهلمند فوټبال فدراسیون مسئول رنګین خان دفتاڼی وایي چي د پخوا په پرتله په دې ولایت کې ورزش پرمختګ کړی .
هغه د امکاناتو له نشتوالي په شکایت سره له سوداګرو وغوښتل، چې د دغه ولایت د ورزشي فعالیتونو مالي ملاتړ وکړي.