تاند:( یکشنبه، د کب ۲۸) د پاکستان د بهرنیو چارو د وزارت ویاندې ممتاز زهرا بلوچ په یوه خبري غونډه کې د کابل او اسلام اباد ترمنځ د روانو خبرو په اړه له جزیاتو ورکولو ډډه وکړه.
نوموړې وپوښتل شوه، چې افغانستان ته یې د دفاع د وزير او د آی ايس آی د مشر د وروستي سفر په ترڅ کې افغان طالبانو د پاکستان له حکومت څخه د تحريک د بې وسلې کولو او بيا ځای پر ځای کولو لپاره ريښتیا د ۳۰ ميلياردو ډالرو غوښتنه کړې او د دوی دریځ په دې اړه څه دی؟
د دغو پوښتنو په ځواب کې د پاکستان د بهرنیو چارو د وزارت ویاندې د تحریک طالبان پاکستان د بې وسلې کولو لپاره د پیسو د ترلاسه کولو په اړه د کابل غوښتنه رد کړه او ویې ویل: لکه څنګه چې مخکې مې وویل، د دغه پلاوي سفر د وزیر په مشرۍ ترسره شو. د افغانستان دفاع وزیر په امنیتي مسایلو او له ترهګرۍ سره پر مبارزې تمرکز درلود ما داسې معلومات نه دي شریک کړي لکه څنګه چې تاسو د دې فورم څخه اشاره کوئ. نو، زه نه پوهیږم چې تاسو دا راپورونه چیرته ترلاسه کړل. شاید تاسو د هغو کسانو څخه پوښتنه وکړئ چې دا معلومات یې تاسو سره شریک کړي.
بلوچ زیاته کړه: موږ نه غواړو په دې غونډه کې چې ډېره حساسه وه، تبصره وکړو، ځکه چې دا د امنیتي مسایلو او له ترهګرۍ سره د مبارزې په اړه ده. کله چې خبرې اترې او بحثونه وروستۍ پایلې ته ورسیږي، موږ به خپل نظرونه په عامه توګه اعلان کړو.
د طالبانو ادارې په دې اړه راپورونه رد کړي وو.
معلومه نه ده، چې د طالبانو د ادارې او پاکستان د وروستیو مذاکراتو پایلې څه وې او د دوی ترینګلې اړیکې څومره بیرته رغیدلې دي.
چې ته بل په غشو ولی هسی پوه شه – چیرې دا غشي به ستا په لور ګزار شي
کوهۍ مکنه د بل سړی په لار کې – چیرې ستا به د کوهۍ په غاړه لار شي
کامل مومن مسلمان هغه څوک چې څه شی د ځان لپاره خوښوی د بل مسلمان لپاره یی هم خوښوی
(مه کوه په چا چې وبه شي په تا) (چې بد مې غواړې په بدو واوړی)