تاند:( شنبه، د کب ۲۷) د خوست د ګربز ولسوالۍ په “بوریخېلو” کلي کې په نشهيي توکیو یوه روږدي کس د خپلې کورنۍ پر غړو ډزې کړي چې په پایله کې یې یو زوی او یوه لور وژل شوي او یو بل زوی او مېرمن یې ټپیان دي.
د خوست امنیې قوماندانۍ لپاره د طالبانو د رژیم ویاند مستغفر ګربز وايي، له پېښې وروسته سیمې ته د امنیتي ځواکونو له رسېدو سره سم قاتل پر امنیتي ځواکونو هم ډزې کړي او قاتل وژل شوی.
د ګربز په خبره تر اوسه معلومه نهده چې قاتل پهخپله ځان وژلی او که دا منیتي ځواکونو په ځوابي ډزو کې وژل شوی دی.
په افغانستان کې د نیشه یي توکیو د معتادینو شمېر میلیونونه تنه ده، خو طالبان وایي چې د دوی د درملنې هڅې یې چټکې کړي دي.
الله پاک دې زموږ د افغانانو په حال ورحمیږي. آمين