تاند: ( شنبه، د حوت ۶ ) د پېښور پوهنتون د فلسفې څانګې مشر ډاکټر شجاع احمد وایي، چې له څو کلونو راهیسې په دغه څانګه کې د لیسانس په کچه نویو محصلانو ورسره ځانونه نه دي ثبت کړي.
د نوموړي په وینا، په دغه څانګه کې له څو کلونو راهیسې یوازې د ماسټرۍ محدود محصلان روزي.
څېړونکي وايي له فلسفې لرې والی په ټولنه کې د زغم نشتوالی او سخت دريځي زياتوي او له دې سره سره د مثبت بحث مباحثې او د ژوند د نورو اړخونو په اړه پېدا کېدونکو سوالونه هم بې ځوابه پاتې کيږي.
په پېښور پوهنتون کې 46 د بېلابېلو زدکړو څانګې دي چې پکې تر ۱۶زرو زيات محصلان زده کړې کوي.
د پېښور پوهنتون د فلسفې څانګه په کال 1962م کې جوړه شوې وه، چې سلګونه تنو ترې د ماسټرۍ او دوکتورا تر کچې زده کړې کړي.
د څېړونکو په وینا، پښتني ټولنه باید له فلسفې سره بلده او د فلسفې زده کړې پکې عامې شي.
په دې برخه کې د لوستو او روښانه خلکو هڅې اړینې ګڼل کیږي، څو لومړی دوی د فلسفې مطالعه او بحثونه وکړي او بیا نور خلک په تدریجي ډول ورسره اشنا کړي.
دا ډیره د افسوس خبره ده چې په پښتنه ټولنه کې لا هم فلسفې ته هغه اهمیت چې پکار دی، نه ورکول کیږي.
فکر کوم زموږ د ټولنې د ودې او ویښتیا لپاره تر نورو ټولنو موږ ډیر فلسفې ته اړتیا لرو تر څو د پیړیو جامدو نظریاتو او روایتونو څخه دورې لیرې کړل شي او مسایل ښه وشربل او وسپړل شي، په ساده ژبه خشره او سره، سره جلا کړل شي.
همداشان د فلسفې له دودیدا سره موږ د مسایلو ژورتیا ته رسو.