تاند(شنبه، د دلوې ۲۲مه) د افغانستان لپاره د بریتانیا د سفارت شارژدافېر هوګو شارتر د خپل ماموریت په پای کې ویلي چې له طالبانو سره له تعامله پرته بله لار نه شته او جګړه په دغه هیواد کې د داعش له پیاوړتیا سره مرسته کوي.
شارتر، چې د یو شمېر نورو لوېدیځو هیوادونو په شان د قطر له دوحې څخه کار کوي، په څو ټویټونو کې د خپل ماموریت د نتیجه ګیرۍ په توګه لیکلي:«که ښه وي یا بد، بریتانیا او افغانستان اوږد ګډ تاریخ لري. د دې معنا دا ده چې د بریتانیا او افغانستان خلک له یو بل سره تړلي دي. نو د هوسا، اباد او باثباته افغانستان لپاره د کار په اړه زموږ ژمنه دوامداره ده.»
د بریتانیا شارژدافېر د خپل ماموریت په پای کې همداراز ویلي:«هیواد یې دا په ډاګه کړې چې په افغانستان کې له ۴۰ کلونو جګړو وروسته، نښتې او تاوتریخوالی د هیچا په ګټه نه دی. بې ثباتي او کورنۍ جګړې د لا ژور انساني کړکېچ او د داعش د بیا پیاوړي کېدو سبب کېږي.»
تر دې مخکې د افغانستان لپاره د اروپايي اتحادیې ځانګړي استازي توماس نیکلاسن له یوې هندۍ ورځپاڼې سره په مرکه کې ویلي و چې په افغانستان کې د ناامنیو پراخېدا د داعش د حملو د زیاتېدا سبب کېږي.
د امریکا بروکینګز څیړنیز انستیتیوت په یوه تازه شننه کې ویلي چې د طالبانو د مخالفانو په ځانګړي ډول د مقاومت جبهې حملې هیڅ نتیجه نه لري. نو ښه دا ده چې د سختدریځو طالبانو پر ځای له نرمدریځو سره تعامل وشي.
هو دغو د بشریت دښمنانو طالب واک ته ورسول.دغه لعنتیان وه سي اشرار یې راوستل دغه ټول ددوۍ د لاس ګلان دي. 😡
زموږ د سیمی وولسونه به هغه وخت روغه ورځ ووینی کله چی دا د شیطان جزیره ( انګلستان ) تر اوبو لاندی سی.