تاند:( چارشنبه، د دلوې پینځمه) د طالبانو د حاکمې ډلې ویاند ذبیح الله مجاهد د ملګرو ملتونو د مرستو د څار ادارې اوچا هغه ادعا ناسمه ګڼلې، چې ګواکې د اقتصادي ستونزو له امله به د دوی حاکميت سقوط وکړي.
نوموړي زیاته کړې، چې دوی ژورې ولسي ریښې لري او پر بهرنیو مرستو متکي نه دي، چې د اقتصادي ستونزو له امله به سقوط شي.
د طالبانو د ویاند په وینا؛ د دوی حاکميت ژمن دی چې د هېواد ټولې اقتصادي سرچینې بېرته ژوندۍ او اقتصاد ترمیم کړي .
د هغه په وينا، په تېر یوه نیم کال کې یې هم ستر ګامونه اخیستي چې لا دوام لري.
مخکې په ملګرو ملتونو کې د پاکستان سفير منير اکرم هم د اقتصادي ستونزو له امله د طالبانو د رژيم د سقوط او داعش ډلې سره ېې د جنګیالیو د يو ځای کیدو وړاندوينه کړې وه، خو طالبانو نوموړي ته غبرګون نه و ښودلی.
د ظلم، وحشت او بی عدالتۍ له امله به خامخوا سقوط کیږۍ. څکه چی هیڅ استبدادی او د جبر او ظلم په بنیاد ولاړ رژیم بقا نه لری. او بیا تاسو خو داسلام د سپیڅلو شعارونو لاندی د بی عدالتۍ، وحشت، استبداد او تور جهالت ټول سرحدونه د خپو لاندی کړی دی.