تاند:( پنجشنبه، د جدي پینځلسمه) د تېر ميلادي کال په وروستيو مياشتو کې شاوخوا درې نیم سوه تنه د طالبانو د حاکمې ادارې له لوري په مختلفو ولايتونو کې د شرعي حدودو د تطبيق په نوم په عام محضر کې مجازات شوي.
د نیمرخ په نوم یوې رسنۍ په خپرو کړو ارقامو کې لیکلي، چې طالبانو په ۲۲ ولايتونو کې د ۸۱ ښځو په ګډون ۳۵۴ تنه په ورته توګه مجازات کړي دي.
له دوی څخه ځینې یې په درو وهل شوي، ځینې سنګسار او په ډزو وژل شوي او د ځینو په مرمیو سوري جسدونه په عام محضر کې نندارې ته وړاندې شوي دي.
طالبانو د یادو ارقامو په اړه څه نه دي ويلي.
دوی د ورته مجازاتو دوام د اسلامي شريعت او عدالت د تطبيق لپاره اړین ګڼلي، خو منتقدین ېې باور لري، چې د جرمونو پر ضد دا ډول کړنې او مجازات ډېر وروسته پاتې او اوسنيو شرايطو سره برابر نه دي.
د طالبانو منتقدین د دوی دا ډول مجازات او محاکمې غیر عادلانه او د بشري حقونو نقض بولي.
په دې اړه د طالبانو پر وړاندې نړیوال غبرګونونه هم ښودل شوي او ټینګار شوی، چې طالبان تورنو کسانو ته له ځانه د دفاع او مدافع وکيل لرلو حق او امکانات نه ورکوي.
باید مسجدونه هم کنترول شی چی هر ملا یی طالب ځان ته ساتلی او دې لوط علیه سلام نارواوېې ور سره کوې