تاند:( چار شنبه، د جدي اوومه) د افغانستان د هوا پېژندنې ادارې په ۱۳ ولایتونو کې سختو ورښتونو وړاندوينه کړې ده.
دغه ریاست په یوه اعلامیه کې ویلي، چې دا ورښتونه ( واورې او باران) په هرات، فراه، غور، بادغیس، دايکندي، بامیان، میدان وردګ، ارزګان، هلمند، کندهار، زابل، غزني او پکتيکا ولايتونو کې اټکل شوي دي.
سرچینه زیاتوي، چې په دغو ولايتونو کې له ۱۰ څخه تر ۲۰ ميلي مترو پورې د باران او له ۱۰ څخه تر ۳۰ سانتي مترو پورې د واورو وړاندوینه شوې ده.
په افغانستان کې له تېر کال راهيسې واورې، باران او نور ورښتونه زيات شوي، چې د ګڼو مالي او ځاني زيانونو سبب شو.