تاند(دوشنبه، د قوس ۲۸ مه) په سالنګ تونل کې د وړمې شپې د پېښې د قربانیانو شمېر مخ په ډېرېدو دی.
د عامې روغتیا وزارت ویندوی ډاکتر شرافت زمان نن وویل چې له تونل څخه تر دې دمه ۳۷ مړي راایستل شوي او ۴۰ ټپیان روغتونونو ته وړل شوي دي.
د یکشنبې په شپه په تونل کې د یوه تانکر د اوراخیستو په نتیجه کې لږترلږه ۳۰ موټرونه هم سوځېدلي دي.
ویل کېږي چې په دې پېښه کې د وژل شویو کسانو شمېر ممکن تر دې هم واوړي.
د عامې روغتیا وزارت ویندوی ډاکتر زمان هم د مرګ ژوبلو د شمېر د زیاتېدو احتمال رد نه کړ.
په ټولنیزو رسنیو کې د دې پېښې د ځینو قربانیانو نومونه او تصویرونه خپاره شوي دي.
د هغو په منځ کې یو هم د کندوز ولایت اوسېدونکی حاجي حنیف ناشر او د کورنۍ غړي یې دي.
د ترلاسه شویو راپورونو او تصویرونو له مخې لا هم تونل بند دی او لوګي ورڅخه وځي.
د سالنګ تونل د پلازمېنې کابل په شمول د هیواد د جنوب او شمالي ولایتونو ترمنځ تر ټولو مهمه نښلونکې لار ده.
دا تونل ۱۹۶۰ م کال د روسانو له لوري جوړ شوی دی.
خدای پاک دی ټول وژل سوی مسافر وبخښی. په اور سوځلی مړه د شهادت مرتبه لری، خواشینوونکې پېښه ده.
د تیلو او نورو سون موادو موټران باید په یو ټاکلی او محدود وخت کی د تردد اجازه ولری نه د دنورو مسافر وړونکو او شخصی موټرانو په څنګ کی.