تاند (دوشنبه، د قوس ۲۸ مه) د ټویتر کمپنۍ خاوند ایلن مسک په یوه ټویټ کې له خلکو وغوښتل چې ایا د دې ټولنیزې شبکې له مشرتابه څخه لېرې شي او که نه؟
وروسته له دې چې ایلن ماسک ټویټر له اوږدو جنجالونو وروسته په ۴۴ میلیارد ډالره واخیست، د دې خواله رسنۍ اکثره مدیران او متخصصان یې له کاره وایستل.
د ټویټر نوي خاوند یعني ایلن مسک ویلي، د هغو خلکو د نظر به عملي کړي چې په دې نظرپوښتنه کې ګډون کوي.
Should I step down as head of Twitter? I will abide by the results of this poll.
— Elon Musk (@elonmusk) December 18, 2022
مسک دا اعلان تېر ماښام (یکشنبه) وکړ او د ټویټ تر خپرولو دوه ساعته وروسته د هغو کسانو، چې د ایلن مسک د استعفا غوښتنه یې کړې، شمېر ۱۵ سلنه ډیر و.
خو تر دې شېبې پورې د مسک د استعفا د پلویانو شمېر ۵۷ سلنه دی.
یوازې په سلو کې ۴۲ ویلي چې استعفا دې نه ورکوي.
ایلن مسک د تیسلا کمپنۍ خاوند هم دی.
په وروستیو کې د دې کمپنۍ د ونډو ارزښت نیمايي ته راولوید او له کبله یې ایلن مسک، چې د نړۍ تر ټولو شتمن انسان ګڼل کېده، د شتمنۍ له نظره لومړی مقام له لاسه ورکړ.