تاند:( یکشنبه، د قوس شلمه) د ننګرهار کانال په درېيم فارم کې د ۸۰ زره ځنګلي بوټو کينول پيل شول.
د کانال لپاره د طالبانو ځايي چارواکو ویلي ،چې تر دې دمه ديرش زره بوټي کينول شوي او د پاتې پنځوس زرو کرنه جريان لري.
سرچينه زياتوي، چې له ځنګلي بوټو څخه د بادونو کنترول، ښکلا، شينوالي او سون لرګيو په موخه ګټه اخيستل کيږي.
طالبانو په وروستيو کې له غاصبينو څخه د ننګرهار کانال د ډېرو ځمکو د خلاصون خبر هم ورکړی.
ځايي خلکو دغه کانال ته د طالب چارواکو پاملرنه ستایلې او د لا زياتيدو غوښتنه ېې کړې ده.
ایکاش د ځنګلي بوټو پرځای یې مثمر او غیر مثمر نیالي ايښي وای، چې ګټه یې ټولو هېوادوالو ته رسېدلې وای .