تاند:( چار شنبه، د قوس دويمه) د کابل د نهمې حوزې اړوند خواجه رواش سیمه کې یوه کس د تومانچې په ډزو د یوې کورنۍ ۵ غړي وژلي او یو بل یې ټپي کړی.
د کابل لپاره د طالبانو د امنیې قوماندانۍ ویاند خالد ځدراڼ کابل وایي، چې پېښه د شخصي دُښمنۍ له امله رامنځته شوې ده.
هغه په دې اړه نور جزییات نه دي ورکړي، خو وايي د مجرم د نیولو هڅې روانې دي.
نورو سرچينو په دې اړه څه نه دي ويلي.
دا په داسې حال کې ده، چې د طالبانو په هڅو له څه مودې راهيسې په مختلفو ولايتونو کې د شخصي دښمنیو د حل خبرونه ورکول کېږي.